Deporte Escolar Volleyball B-Jongens

Deporte Escolar cu resultado di volleyball mucha homber cu a tuma lugar diahuebs 17 di februari den C.D. Frans Figaroa na Noord.
Un total di 8 scol a participa cualnan ta, Prinses Amalia Basisschool, Sint Anna School, Sint Rosa College, S.B. Washington, Colegio Sagrado Curason, Colegio Conrado Coronel, Mon Plaisir Basisschool y Sint Aloysius School.
E prome wega a cuminsa 2:30 di atardi y tabata entre Prinses Amalia y Sint Anna School, aki Prinses Amalia ta gana e prome set y Sint Anna School ta gana e di dos set den e set di desempate Prinses Amalia ta gana e wega. Na mes momento riba e otro cancha Sint Rosa College a enfrenta S.B.Washington y aki S.B.Washington ta gana tur dos set.
E siguiente set di weganan tabata den poule B y a cuminsa pa 3:00 or di atardi.
Mientras cu Sagrado Curason tabata enfrenta Mon Plaisir Basisschool, Colegio Conrado Coronel ta enfrenta Sint Aloysius School riba e otro cancha.
Den Poule B Colegio Sagrado Curason ta gana tur dos di su setnan y Sint Aloysius School ta gana tur dos di su setnan.
Y e ultimo setnan a cuminsa 3:30 di atardi y tabata den Poule A, aki mientras Prinses Amalia ta enfrenta S.B.Washington, Sint Rosa College ta enfrenta Sint Anna School.
S.B.Washinton ta gana su wega ganando tur dos set y St Anna School na e otro banda di cancha ta gana e wega door di gana tur dos set.
Amantenan di Volleyball y e alumnonan di e scolnan participante, ta keda invita pa diabierna 18 di februari 2:30 di atardi den C.D.Frans Figaroa na Noord pa duna apoyo na e mes un 8 scolnan aki den nan Campeonato.
Despues di e weganan di diabierna 18 di februari, e miho dos scolnan di cada poule ta pasa pa final na Juni 2022.
Pa mas pics click aki
IMPORTANT information
IBiSA's updates